Бүгін 100 ЖББ мектебінінің оқушылары Мемлекеттік қуыршақ театрында болып, «Морозко» қойылымын тамашалады. Балаларды тасымалдайтын автобус көліктерін Медеу аудандық полиция бөлімінің аға инспекторы Имангазиев Ринат Жақыпжанұлы және ювеналды полиция басқармасының инспекторы Боранбаев Олжас Азатұлы өз көліктерімен бастап жүрді. Алматы қаласының жол инспекциясына, балалардың қауіпсіздігіне ұқыптылықпен қарағаны үшін алғысымызды білдіреміз!

   Құрметті №100 мектеп оқушылары, ұстаздары мен ата-аналары! Биыл біздің сүйікті мектебіміз 85 жылдық мерейтойын атап өтуде. Мектеп өзінің терең тарихымен, аяулы ұстаздарымен және керемет балаларымен танымал.    Осы тамаша мерейтойда мектеп ардагерлеріне, қызметкерлері мен оқушыларына жоғары талпыныстары, өткен жылдар мен ағымдағы жылда жеткен  жетістіктері үшін үлкен алғысымды білдіргім келеді.    Барлығыңызға мықты денсаулық пен шығармашылық табыс тілеуге рұқсат етіңіздер!      

Құрметті достар! Сіздерді Қазақстан Республикасының Тәуелсіздік күнімен шын жүректен құттықтаймыз! Еліміз гүлдене берсін, елімізге тыныштық, амандық тілейміз!🕊️  

Бүгін 4 сынып оқушыларының қатысуымен "Тәуелсіз - елім тірегім" тақырыбында мектебіміздің бастауыш сынып мұғалімдері Алишева Г.Д. және Нусипова Б.Б. ашық сабақ өткізді. 

Бүгін №100 жалпы білім беретін мектепте Республикалық Біріңғай «Жас Ұлан» балалар мен жасөспірімдер ұйымының «Жас Қыран» және «Жас Ұлан» қатарына жаңа мүшелерді салтанатты түрде қабылдау рәсімі өткізілді. Іс-шара барысында оқушылар «Жас Қыран» және «Жас Ұлан» антын салтанатты түрде қабылдады. Салтанатты іс-шараға 1986 жылғы желтоқсан оқиғасының қатысушысы Кулова Сандуғаш Дюсенована келіп жас жеткіншектерге өз тілегін айтып құттықтады.